أفضل مطاعم حواوشي في الإسكندرية

الحواوشي (او العيش باللحمة) في الإسكندرية مختلف تماماً عن الحواوشي في القاهرة وباقي محافظات مصر من حيث طريقة العمل والحجم وحتى التُقل على المعدة. في المقالة دي هنقولك أفضل مطاعم حواوشي في الإسكندرية من خلال تجربتنا لأماكن كتير متخصصة في الأكلة دي.

أفضل حواوشي في الإسكندرية

المطاعم اللي هنتكلم عليها مش بترتيب معين ولكن هي مطاعم بتقدّم حواوشي فعلاً يستحق التجربة. يلا بينا نبدأ.

جزارة ومشويات الكيال – El Kayal

حواوشي الكيال

الكيال من أشهر الأماكن اللي بتعمل حواوشي على مستوى اسكندرية وكمان شهرته واصله للقاهرة ومحافظات كتير تانية على مستوى مصر. لو متعرفش فالكيال عامل زي كبدة الفلاح كده في الإسكندرية، الناس بتجيله مخصوص من القاهرة عشان يجربو الحواوشي من عنده. الكيال أسعاره معقولة بالنسبة لكمية وجودة اللحمة اللي بتبقى موجودة في كل رغيف. من الاخر لو عايز تدوق حواوشي اسكندراني مخدوم وجودته مميزة وسعره معقول يبقى هو الكيال.

أطلب ايه من الكيال؟

حواوشي اللحمة العادي عند الكيال حلو جداً ومبيختلفش عليع اتنين. بس الأكيلة الجامدين دايماً بيرشحو حواوشي السجق او البسطرمة لأن دول الكيال بيتميز بيهم جداً وغالباً مش هتاكل حواوشي اسكندراني بالحلاوة دي في حتة تانية. تقدر تطلب الكيال من خلال واحد من الأرقام دي: 01552034705 أو 01114537371 أو 01288780048

حواوشينو – Hawawshino

حواوشينو

لو ملكش في الحواوشي الاسكندراني يبقى حواوشينو هيكون اختيار حلو ليك. حواوشينو بيعمل حواوشي شبه بتاع القاهرة وهو الحواوشي الغرقان سمنة وحجمه صغير شوية ولكن دسم جداً وبيشبّع. حواوشينو حلاوته بالنسبالي انه بيعمل ميكسات جامده جداً بين الاجبان بأنواعها المختلفة والصوصات واللحوم. الميكسات دي بتدي طعم حلو جداً ومختلف للحواوشي. 

ننصحك بقراءة: أفضل برجر ممكن تاكله في الإسكندرية

أطلب ايه من حواوشينو؟

انا بحب جداً ميكسات الحواوشي مع الجبنة الشيدر بتاعت حواوشينو. عادةً بطلب حواوشي لحمة شيدر او حواوشي سجق شيدر. وبرضه بحب الميكسات اللي فيها رومي فا ساعات بطلب حواوشي لحمة رومي موتزاريلا. تقدر تطلب دليفري من حواوشينو من خلال الرقم ده: 01220242494

جزارة وحواوشي محمد حامد

حواوشي محمد حامد

جزارة محمد حامد بتقدّم كل أنواع المشويات مش مجرد حواوشي. بس بالنسبالي الحواوشي بتاعهم من أحلى الحاجات اللي عندهم. عندهم حواوشي عادي و ب وش بيتزا شبه حواوشي الكيال اللي اتكلمنا عنه في الأول. كمان بيقدّم كل أنواع الحواوشي سواء لحمة او سجق او بسطرمة وكمان فيه حواوشي سجق بقالي وكمان حواوشي فراخ واسعاره معقولة برضه. 

أطلب ايه من محمد حامد؟

بما اننا في المقالة دي بنتكلم عن الحواوشي فمش هرشح حاجه من المشويات مع انها مميزة جداً برضه وتستحق التجربة. انا شخصياً يفضّل الحواوشي اللي ب وش بيتزا والحشو العادي اللي هو لحمة او سجق. ممكن تجرّب حواوشي اللحمة الضاني برضه لو ليك فيه. ممكن نطلب من محمد حامد من الأرقام دي: 01000080142034849775034832727