أفضل كافيهات في التجمع الخامس


الكافيهات بالنسبة لناس يعني مكان مريح بيشرب فيه مشروبه الصباحي، عشان يقدر يشتغل بمزاج ويبدأ يومه بانتعاش، ولناس تانية الكافيه يعني مقابلة الصحاب والتجمع والضحك بالساعات، وبقوا ليهم ذكريات في كافيهات بعينها، ونوع تالت ما بيحبش يشتغل إلا في الكافيه مع القهوة أو النسكافيه، وغيرهم وغيرهم اللي اختلفوا في أسباب حبهم للكافيهات، لكن الكل تقريباً اتفق على حب الكافيهات خصوصاً جيل الشباب، وفي مقالنا المرة دي هنكلمكم عن أفضل كافيهات في منطقة التجمع الخامس.

أفضل كافيهات في التجمع الخامس

Cafeholic

كافيه هوليك بيقدم حلويات وآيس بالإضافة للمشروبات الباردة والساخنة، هوليك بيقدم مجموعة متنوعة من الحلويات عبارة عن: مولتن كيك – أم علي – سلطة فواكه، أما عن الآيس كريم فبيقدم (براونيز، سنيكرز، مكس هوليك)، الكافيه بيقدم كمان مشروبات ساخنة (شاي، قهوة تركي، أعشاب)، ومشروبات باردة ومياه غازية، زائد أنه بيقدم كوكتيلات لذيذة زي (ليمون وفراولة، مانجو، موز ومانجو).

مميزات Cafeholic

الكافية مناسب جدا لمقابلة الأصدقاء وفرصة هايلة للبعد عن الضغوطات، بالإضافة لأسعاره المعقولة وفي متناول اليد.

اقرأ ايضًا: أفضل مطاعم في القطامية هايتس

Mazagangy

مطعم وكافيه مزاجنجي بيقدم أكلات ومشروبات متنوعة، المزاجنجي بيقدم مكرونات (مكرونة بالسجق، نجرسكو، مكرونة بالكبدة)، ومقبلات زي: باكيت بطاطس – كول سلو، كمان بيقدم كريب (سجق، سوسيس، برجر)، وساندوتشات زي (هوت دوج، كفتة، سجق مشوي)، كمان الكافيه بيقدم حلويات لذيذة (تشيز كيك، مولتن كيك)، زائد أنه بيقدم كوكتيلات ومشروبات ساخنة وباردة ومياه غازية.

مميزات Mazagangy

يتميز المزاجنجي بمكانه المريح والهادي، كمان الديكور على مستوى عالي من الرقي، بالإضافة إلى أن الكافيه مكان مناسب لتجمع الأصدقاء، ده غير أنه مخصص مكان للأطفال وألعابهم.

Argolla Cafe

أرجولا كافيه واحد من أفضل كافيهات التجمع الخامس، يشتهر بتقديم المأكولات والمشروبات من مختلف الأنواع، وبيقدم أرجولا أطباق رئيسية متنوعة تتناسب مع الغداء والعشاء، كمان بيقدم القهوة بكل أنواعها (قهوة تركي، كابتشينو، نسكافيه)، ده غير أنه بيقدم مشروبات باردة وعصائر طازجة، بالإضافة للشيشة.

مميزات Argolla Cafe

يتمتع أرجولا كافيه بالعديد من المميزات منها أنه مكان هادي جداً وراقي، والخدمات هناك ممتازة وعلى مستوى عالي جداً، كمان فيه بلايستشين عشان لو عايز تتجمع مع صحابك وتلعبوا وتقضوا وقت حلو، ده غير أن أرجولا عنده مقاعد خارج الكافيه لمحبي الجلوس في الهواء والاستمتاع بالطبيعة.

ببساطة الكافيه بيلبي كل الاحتياجات وبيناسب كل الأذواق، فلو عايز تستمتع بوقتك وتبعد عن الضغوطات وتقعد في مكان هادي هتلاقي ده في أرجولا، ولو عايز تلعب مع صحابك وتغيروا جو روح أرجولا كافيه.

Star Cafe

ستار كافيه من أفضل الكافيهات اللي بتقدم القهوة والعصائر والكوكتيلات، بالإضافة إلى أنه بيقدم وجبات تناسب وجبة الإفطار (فطير مشلتت، قشطة، عسل أبيض و أسود)، والساندوتشات زي (جبنة رومي، بيض مسلوق، مربى بالقشطة)، الكافيه بيقدم كمان كوكتيلات متنوعة (فرجينيا، فواكه غرقانة شوكولاته، بلح باللبن)، وميلك شيك زي: أوريو – كيت كات – مانجو، ده غير أنه بيقدم مشروبات غازية وسموزي وزبادي، أما عن الحلويات فبيقدم (مولتن كيك، تشيز كيك، أم علي)، و آيس كريم زي (مانجو، فراولة، مكسرات بندق)، بالإضافة إلى شيشة عادية وفواكه وغيرهم.

مميزات Star Cafe

من مميزات ستار كافيه أنه بيقدم القهوة بكل أنواعها (قهوة تركي، قهوة فرنساوي، قهوة بالكراميل)، ومشروبات ساخنة زي: شاي – ينسون – حمص شام، كمان الكافيه بيقدم عصائر طازجة (جوافة، برتقال، مانجو).

من مميزات الكافيه كمان أنه يعمل طوال اليوم، بالإضافة لأسعاره المناسبة والمعقولة.