أفضل مطاعم بوينت ناينتي التجمع الخامس

نفسك تقضي وقت حلو وتستمتع بيومك مع أسرتك وأطفالك، عايز تفصل من جو الشغل وتروح مكان تلاقي فيه كل اللي محتاجه مطاعم… كافيهات … سينما، ده غير محلات الملابس وسوبر ماركت، يعني تقدر تعمل شوبينج كمان، كل ده هتلاقيه في مول بوينت 90 في التجمع الخامس، اللي على بعد دقايق من الجامعة الأمريكية، وفي مقالنا النهارده هناخدكم جولة مع مجموعة من أفضل مطاعم بوينت 90 مول.

أفضل 5 مطاعم في بوينت ناينتي التجمع الخامس

Sizzler

مطعم سيزلر من المطاعم المشهورة بتقديم أكلات أمريكية ومأكولات من أشهر المطابخ العالمية، سيزلر بيمتلك 8 فروع في المعادي ومول مصر ومول العرب والمهندسين وسيتي ستارز وأماكن تانية كتير، من أحسن الأطباق اللي بيقدمها المطعم: شوربة فراخ بالمشروم بالكريمة – فراخ مشوية – سيزلر مشوي فيليه، المطعم بيقدم كمان أطباق الشوربة اللذيذة (طماطم بالكريمة، بصل كلاسيك)، والسلطات زي: سلمون مدخن – سلطة بلدي، زائد المقبلات (ناتشوز لحم أو فراخ، موتزاريلا مقلية)، وكمان بيقدم ساندوتشات البرجر المتنوعة (برجر ستيك هاوس، برجر بالرانش و الجبنة دبل)، وكل البرجر بيتقدم  مع بطاطس مقلية و كول سلو، أما عن المكرونات اللي بيقدمها المطعم: اسباجيتي بكرات اللحم – مكرونة ستيك مكس جبن – مكرونة بنا ارابياتا.

اقرأ ايضاً: احلى مطاعم للفطار في التجمع الخامس

شجرة الدر

مطعم شجرة الدر متخصص في طهي وتقديم الأكلات المصرية، المطعم عنده فرع تاني في السعودية، شجرة الدر بيقدم الشوربة (لسان عصفور، شعرية بالخضار، كوارع)، والسلطات زي: بابا غنوج – سلطة خضراء – طماطم كمونية، كمان المطعم بيقدم ساندوتشات متنوعة زي: كفتة – كباب دجاج – شيش طاووق، ده غير الطواجن اللي تفتح نفسك بمجرد ما تشوفها زي (الملوخية باللحمة أو الفراخ، عكاوي، بامية باللحمة)، أما الفتات اللي بيقدمها المطعم فدي لوحدها حكاية (فتة كوارع مع الشوربة، موزة مع الشوربة، فتة سادة).

اقرأ ايضاً: أفضل 5 مطاعم في بايتو التجمع

House of Cocoa

هاوس أوف كاكاو بيقدم حلويات وشوكولاته لكن إيه بتاخد العقل، المطعم عنده فروع تانية في أماكن مختلفة خصوصاً في القاهرة الجديدة، ومن أفضل الأطباق اللي بيقدمها: مولتن كيك – براونيز تاور – مولتن كيك شوكولاتة بندق، أما عن المخبوزات اللي بيقدمها المطعم: كرواسون سادة أو زعتر – كرواسون جبنة رومي – كرواسون شوكولاتة، كمان المطعم بيقدم كيك (تشيز كيك لوتس، فادج شوكولاتة، كيك شوكولاتة وكراميل)، والعلب زي: صندوق برالين فاخر ذهبي – صندوق برالين فاخر أسود، المطعم بيقدم مجموعات متنوعة من الشوكولاته (شوكولاتة بالحليب واللوز، شوكولاتة بالحليب والسوداني)، وألواح الشوكولاته زي: شوكولاته باللبن واللوز – شوكولاته باللبن والبندق، ده غير بار الشوكولاته (شوكولاته بالحليب، شوكولاته داكنة).

Gaby’s

مطعم جابيز من المطاعم المتخصصة في تقديم الأكلات العالمية والبرجر، وبيمتلك المطعم 6 أفرع غير فرع بوينت 90 مول، ومن أفضل الأطباق اللي بيقدمها جابيز: دجاج ترياكي – ستروجانوف اللحم – مكرونة دجاج بيستو، أما عن الوجبات الخاصة بالإفطار: كونتيننتال (جرانولا، مكس زبادي توت، كرواسون، طبق فواكه، عصير أو قهوة) – إفطار جابيز الشرقي (بيض مسلوق، فلافل، فول، مشكل جبن ، سجق مشوي، خيار طازج، طماطم وسلة خبز طازج) – إفطار إنجليزي (بيض عيون، سجق مشوي، بيف بيكون، هاش براونز، فاصوليا مخبوزة، توست ساور دو)، ده غير الكرواسون (سادة، زعتر، لوز)، والدانش (فراولة، فواكه، لوتس)، كمان جابيز بيقدم الشوفان والجرانولا زي: بيرشر موسلي أوفر نايت – دقيق الشوفان عالي البروتين – توت أزرق كرامبل، أما عن قائمة رايز اند شاين (شكشوكة، بيض بنديكت، تولمت لبنة).

جابيز كمان بيقدم أطباق الشوربة (كريمة ترافل ومشروم، طماطم مشوية)، أما عن السلطات: لحم بريساولا وبافلو موتزاريلا – جمبري مشوي، والمقبلات زي: تونة تاتاكي – دجاج بانج بانج، ده غير الساندوتشات (ايجسلت، لحم بريسكت)، وساندوتشات التوست والبرجر.

اقرأ ايضاً: أفضل مطاعم في مدينة الشروق

Lord of The Wings

لورد أوف ذا وينجز من المطاعم المشهورة بتقديم المأكولات السريعة والبرجر والفراخ المقلية، المطعم ليه فروع تانية في الشيخ زايد ومدينة نصر والتجمع، ومن أحسن الأطباق اللي بيقدمها: أجنحة تقليدية – شيلي تشيز فرايز، المطعم بيقدم الأجنحة (أجنحة مشوية، أجنحة مخلية)، والمقبلات (حلقات البصل، بطاطس و شيدر)، أما عن سلطات كرسبي:  دجاج أفوكادو – كينوا، كمان المطعم بيقدم فلات بريد (مشروم بالثوم، دجاج باربكيو)، ده غير الكاساديا (جبن، دجاج، لحم)، والبرجر اللي بيقدمه المطعم بأنواع كتيرة ومختلفة.